يا ولد عمي نخيتك والقصيد أسنده.. يمـك
عدّها نخوة حميّا .. عدّهـا نخـوة ميانـه
وأعرف إني لانخيتك فاض بالفزعات جمك
وأعرف إنك ما تقول الراي إلا في مكانـه
إحتميني يا ولـد عمـي إذا فعـلاً أهمـك
أوقف بوجه المواجع والظلايـم والمهانـه
زمني حد النجوم اللي عليها كنـت أزمـك
عالم الحرمان هذا ذللّـه وإقطـع لسانـه
عالم الخذلان هذا ذوّقـه لحظـات سمّـك
عالم البهتان والطغيان ما عنـده.. أمانـه
بنت عمك يا ولد عمي تراها بنـت عمـك
تارد الموت الحمر ما هي عن الوقفه جبانه
دمي اللي في عروقي هو ترا من نفس دمك
دم نشميٍ إلى من فـار مـا دور معانـه
والجفا لالـم خطواتـه طلبتـك لا يلمـك
الجفا كافر وأنا وإنته على نفـس الديانـه
إنخذلت بكل من حولـي وخذلانـي يعمـك
وإنطعنت بكل سكينٍ نـوت طعنـي خيانـه
طعنة الدنيا بجوفي عن ندايـه لا تصمـك
طعنةٍ تثعل جروحـي ثـم تمثناهـا لعانـه
يا ولد عمي نخيتك بنت عمك .. بنت عمك
عالم الخذلان والنكران ما عنـده.. أمانـه
موضوع: ياولد عميــــــــــــــــــــ 
الجمعة مايو 23, 2008 11:43 am
